Дьокуускайга хатыылаах кыбартыыраттан 40 саастаах дьахтар өлүгүн буллулар. Маны таһынан кыбартыыраҕа икки ыйдаах оҕо коляскаҕа сытарын булбуттар. Кыбартыыраҕа ааны алдьатан киирдилэр. Саха сирин быыһыыр сулууспатыгар иһитиннэрбиттэринэн, көмө көрдүүр ыҥырыы куорат 202- с микрооройуонтан атырдьах ыйын 26 күнүгэр 11:30 киирбит.
Быраабы араҥаччылыыр уорганнар СИА-ҕа иһитиннэрбиттэринэ, дьахтар сибээскэ тахсыбатаҕар аймалҕаны балтыта таһаарбыт. Өлбүт дьахтар эрдэ доруобуйата мөлтөөбүтүн туһунан дьонугар этэ сылдьыбыт, ол кэннэ эрийдэххэ төлөпүөнүн ылбат буолбут. Балтыта долгуйан аймалҕан таһааран быыһыыр сулууспаттан көмө көрдөспүт
Билигин биллэринэн, дьахтар инсультаабыт буолуон син. Кыра оҕо билигин аймахтарыгар баар.
