Охотскай муораттан кэлбит сылаас салгын Дьокуускайга уонна үгүс улуустарга температура үрдээһинин аҕалла. Чэппиэргэ, тохсунньу 15 күнүгэр, туох күн-дьыл күүтүллэрин УГМС-ка кэпсээтилэр.
Дьокуускайга түүҥҥү салгын температурата -33…-35 кыраадыс кэриҥэ буолла. Күнүс -29…-31 кыраадыс эрэннэрэллэр. Түүн уонна сарсыарда кыракый хаардаах.
Саха сирин киин оройуоннарыгар күнүс синоптиктар -29…-34, хотугулуу-илин — -35…-40, хотугулуу-арҕаа — -40…-45, илин — -17…-22 кыраадыс.
Өрөспүүбүлүкэ улахан аҥаарыгар кыра хаар күүтүллэр, хотугу улуустарга үксүн сөҥүүтэ суох. Арктика оройуоннарыгар түүн 15-18 м/с диэри тыаллаах, күнүс 18-23 м/с диэри күүһүрэрин, буурҕаны сэрэтэллэр.
ЯСИА урут УГМС иһитиннэрбитинэн, бу нэдиэлэҕэ -12 кыраадыска тиийэ сылыйыаҕа.
This post was published on 15.01.2026 08:03 08:03