Реконструкция кэнниттэн көһө сылдьар гаас уматык ыстаансыйатын Дьокуускайга Автодорожная уулусса 16 нүөмэригэр арыйдылар. ⠀
Ыстаансыйаҕа операторнай уларыйда. Салгыы холуонкалары саҥардар былааннаахтар, оччоҕуна ыстаансыйа стационарнай АГЗС-ка көһөр кыахтанар.
Балаҕан ыйын бүтэһигэр «Сахатранснефтегаз» гаас уматык ыстаансыйаларыгар видеомониторинг киллэрбитэ. Суоппардар АЗС туолуутун көрөр кыахтаахтар уонна ханнык пууҥҥа тиийэн уматык кутталларын быыбардыыллар.
Мониторинг «Мониторинг АГЗС» официальнай сайтка баар. Ыстаансыйа суукканы эргиччи үлэлиир, сменаны атастаһыы кэмигэр тохтобуллар: 7:30 — 8:00, 19:30 — 20:00 чаастар. Техническай тохтобул 23:50 — 00:10 чаас уонна баллоннары таһаарар, гаас куттар кэмигэр биллэриллэр.
