Хаартыска: Саргын Скрябин, ЯСИА
Эҕэрдэ тылы куорат баһылыга Евгений Григорьев эттэ. Кини Аҕа дойду улуу сэриитигэр Саха сириттэн фроҥҥа 62 тыһыынчаттан тахса киһи барбытын, оттон дьахталлар уонна оҕолор тыылга хаалан, күүстээх үлэни ааспыттарын аҕынна.
«Биһиги эһиэхэ махталбытын, убаастабылбытын биллэрэбит. Эһиги күүстээх үлэҕит, модун санааҕыт тирэҕинэн билигин Дьокуускай ирбэт тоҥҥо саамай улахан куорат буолла. Биһиги куораппыт сайдар, дойдуга саамай түргэн тэтимнээхтик сайдар биэс территория иһигэр киирсэр. Оттон Уһук Илиҥҥэ инники күөҥҥэ сылдьабыт», — диэтэ кини.
Кини маннык тэрээһиннэр улуустарга уонна куораттарга өссө да буолалларын иһитиннэрдэ, үбүлүөйдээх сылы эргиччи.
Хаартыска: Саргын Скрябин, ЯСИА
Бэтэрээн хамсааһыннарын көхтөөх кыттааччыларыгар Дьокуускай куорат дьаһалтатын, куорат Думатын, үлэ министиэристибэтин махтал суруктарын туттардылар.
