Дьокуускайга 33 саастаах эр киһини туттулар. Кини 67 саастаах биэнсийэлээх дьахтары өлүөр диэри кырбааһыҥҥа уорбаланар.
Саха сирин силиэстийэлиир кэмитиэтэ иһитиннэрэринэн, уорбаланааччы өлбүт саастаах дьахтары кытары кини кыбартыыратыгар арыгылаабыттар. Ханнык эрэ түгэҥҥэ кинилэр икки ардыларыгар иирсээн тахсыбыт, онуоха ыалдьыт хаһаайканы сирэйгэ уонна төбөҕө саайталаабыт. Саастаах дьахтар төбө-мэйии эчэйиитин уонна да атын эт-хаан эчэйиитин ылбыт, ол түмүгэр сотору кэминэн суох буолбут.
Уорбаланааччыны силиэстийэ ыытыллар кэмигэр хаайдылар.
Билигин көрдөрүүлээх базаны бөҕөргөтүүгэ уонна бигэргэтиигэ силиэстийэ үлэтэ ыытыллар.
This post was published on 10.10.2022 17:03 17:03