28 Кулун тутар 28.03
  • -11°
  • $ 92,59
  • 100,27

Дьокуускайга "Дьулуур" мас-рестлинг туһунан бастакы киинэ биһирэмэ буолла

Читайте нас на
Яндекс Новости
ЯДВ

Бэйэ кыаҕын холонон көрүү, ыарахаттары мүччү түһүү, инникигэ эрэл – Дьокуускайга «Дьулуур» мас-рестлинг национальнай спорт туһунан бастакы киинэ биһирэмэ буолла. Киинэни икки сыл курдук уһуллулар. Артыыстар оруолларыгар киирэллэригэр хастыы да ый эрчиллиини аастылар, спортивнай диеталарга олордулар. Улахан экраҥҥа саҥа киинэ бэс ыйын 2 күнүттэн тахсар, барыллаан Россия 30 куоратыгар көрдөрүллэр, суруйар СИА. 

«Дьулуур: мас-рестлинг» киинэҕэ Дьулуур историята кэпсэнэр (нууччалыы «Джулур»). Эдэр киһи армияҕа сулууспалаан баран, дойдутугар Саха сирин дэриэбинэтигэр кэлэр. Манна кинини эбэтэ уонна кыра балта Күннэй күүтэллэр. Дьулуур олохтоох күрэхтэһиигэ кыттан, мас тардыһыытыгар талааннааҕын билэр. Ити эрээри быстах быһылаан былааны туора сотор.

Режиссер Валентин Макаров РФ-га билиниллибит Саха сирин спорт национальнай көрүҥүн туһунан киинэ устар идеяны доҕотторугар, бииргэ үлэлиир дьонугар кэпсиир. Көҕүлээһини үөрэ ылыналлар. Маннык саҕаламмыта мас-рестлинг туһунан соҕотох киинэ устуута.

Артыыстар күүстээх кастинг ааһаллар, кинилэр спортсменнар параметрдарыгар сөп түбэһиэхтээхтэр.

Киинэ экспердэртэн уонна араас фестиваллар дьүүллүүр сүбэлэриттэн комментарий тутар. Соторутааҕыта икки наҕараада ылла — «Лучшая мужская роль» уонна «Лучшая режиссерская работа» номинациялары Тобольскайга буолбут «Алафейская гора» фествальга.

Сиһилии https://ysia.ru/v-yakutske-sostoyalsya-predpokaz-pervogo-filma-o-sporte-duluur/

Киинэ «Молодежные инициативы» продюсерскай киин уонна «Скаzка» киинэ хампаанньата, «Ayar aat» айар холбоһук, «Сахафильм» киинэ устуудьуйата көмөлөрүнэн оҥоһулунна. РФ култууратын министиэристибэтэ өйөөтө.

Хаартыска: Мария Васильева, СИА

Следите за самым важным и интересным в Telegram-канале и WhatsApp-группе ЯСИА