Бүгүн, балаҕан ыйын 7 күнүгэр, Дьокуускайга Дмитрий Коркин 95 сылыгар аналлаах көҥүл тустууга норуоттар икки ардыларынааҕы турнир саҕаланна. Тустуу көбүөрүгэр уон биэс дойдуттан 178 бөҕөс тахсыаҕа.
Күрэхтэһиигэ уон ыйааһыҥҥа 40 мэтээл оонньонуоҕа. Ыалдьааччылар ааттаах-суоллаах бөҕөстөрү — Олимпийскай оонньуулар призердара Артур Найфонов, аан дойду чемпионнара Загир Шахиев, Давид Баев, Европа чемпиона Курбан Шираев киирсиилэрин илэ харахтарынан көрүөхтэрин сөп.
This post was published on 07.09.2023 14:13 14:13