Дьокуускайга олорор дьахтар ыты иитии быраабылаларын кэспитин иһин административнай эппиэтинэскэ тардылынна. Кини уопсай дьиэҕэ баар хоһугар 16 ыты иитэ сылдьыбыт.
Ол туһунан бэтэринээрдэр департаменнара суруйда.
Уопсай дьиэҕэ олорор дьон ыаллара ыттары күүлэйдэппэтин, таһырдьа таһаарбатын, ыт үрүүтэ элбэҕин, сыт-сымар буолбутун иһитиннэрдилэр.
Бэтэринээрдэр департаменнарын иниспиэктэрэ, Промышленнай уокурук исписэлиистэрэ, полиция 3 отделын участковайа аадырыска тиийэн, баар балаһыанньаны кытта билистилэр.
16 ыттан 12-тин «Помоги выжить» сулууспаҕа туттардылар.
This post was published on 14.12.2023 12:33 12:33