Оптуорунньукка, от ыйын 8 күнүгэр, 13 чаас 40 мүнүүтэҕэ Дьокуускай куорат баһаарынай-быыһыыр сулууспатыгар Чернышевскай уулуссаҕа 66 нүөмэрдээх дьиэҕэ баар оптовай баазаҕа уот турбутун туһунан иһитиннэрии киирбит.
Саха сиринээҕи ЫБММ пресс-сулууспата иһитиннэрэринэн, баһаарынайдар 40 квадратнай миэтэрэ иэннээх сиргэ тарҕаммыт уоту умуруордулар.Суһал сулууспалар биэрбит иһитиннэриилэринэн, быһылааҥҥа эмсэҕэлээбит киһи суох.
Уот оҕуруот аһын уонна фрукта ыскылаатын кырыыһатын алдьаппыт. Баһаар төрүөтэ, буруйдаахтар уонна хоромньу быһаарыллар. Уоту умуруорууга 35 исписэлиис кытынна уонна 8 тиэхиньикэ тардылынна.
Саха сирэ сайт тыблбааһа
This post was published on 08.07.2025 15:59 15:59