Дьокуускайга «Кыайыы 50 сыла» спорт дыбарыаһын базатыгар үлэлиир быстах байыаннай хомуур пуунун саптылар. Өрөспүүбүлүкэ киин куоратыгар быстах байыаннай хомууру түмүктээһин биллэрилиннэ. Чааһынай бэрээдэгинэн мобилизация куорат военкоматыгар салҕаныаҕа. Бу туһунан СИА-ҕа өрөспүүбүлүкэ байыаннай комиссара Александр Авдонин иһитиннэрдэ.
«Чахчы, Дьокуускайга байыаннай хомуур пууна сабылынна. Маны сэргэ, чааһынай бэрээдэгинэн куорат военкоматын нөҥүө мобилизация салҕанар. Уонна доброволецтары кытта үлэ туһунан салгыы бара турар», — диэтэ Александр Авдонин.
Санатан эттэххэ, балаҕан ыйын 21 күнүгэр Арассыыйа бэрэсэдьиэнэ Владимир Путин дойдуга быстах байыаннай хомууру диэн биллэрбитэ. Бу хомуургу билиҥҥи кэмҥэ саппааска баар дьону ыҥыраллар, сулууспалаабыттары, байыаннай идэлээхтэри уонна тустаах уопуттаахтары.
Эрдэ Саха сирин баһылыга Айсен Николаев өрөспүүбүлүкэҕэ быстах байыаннай хомуур түмүктэнэн эрэрин биллэрбитэ.
