Муус устар 9 — 11 күннэригэр «Кружало» атыы киинигэр медицина үлэһиттэрин босхо консультациялара уонна кутталлаах инфекцияларга (ВИЧ, гепатит, сифилис) экспресс-тестирование буолуоҕа. Ол туһунан уопсастыба доруобуйатын киинин быраас-терапева Татьяна Кирсанова эттэ.
««МедЭкспо. Здоровье и красота» быыстапка доруобуйа аан дойдутааҕы күнүгэр анаан ыытыллар. Пааспар, полис уонна СНИЛС ирдэнэр», — диэтэ Татьяна Кирсанова.
Консультациялары невролог, дерматолог, психиатр-нарколог, клиническай психолог, фтизиатр уонна офтальмолог ыыталлар.
Экспресс-тестированиены ВИЧка, В уонна С гепатиттарга, сифилиска, сэлликкэ туттарыахха сөп. Флюорографияны мобильнай кииҥҥэ ааһаҕын, мантан да атын туһалаах дьаһаллар ыытыллаллар.
This post was published on 08.04.2025 11:03 11:03