««МедЭкспо. Здоровье и красота» быыстапка доруобуйа аан дойдутааҕы күнүгэр анаан ыытыллар. Пааспар, полис уонна СНИЛС ирдэнэр», — диэтэ Татьяна Кирсанова.
Консультациялары невролог, дерматолог, психиатр-нарколог, клиническай психолог, фтизиатр уонна офтальмолог ыыталлар.
Экспресс-тестированиены ВИЧка, В уонна С гепатиттарга, сифилиска, сэлликкэ туттарыахха сөп. Флюорографияны мобильнай кииҥҥэ ааһаҕын, мантан да атын туһалаах дьаһаллар ыытыллаллар.
