Дьокуускай куораттааҕы суут Абый оройуонуттан төрүттээх 25 саастаах дьахтарга, балаҕан ыйын 20 күнүгэр буолбут баһаарга үс кыра оҕото өлбүт дьыаланан, бириигэбэр таһаарда. Дьахтар сэрэҕэ суох туттан, икки эбэтэр онтон элбэх киһини өлүүгэ тириэрдиинэн, буруйданар.
Суут быһаарыытынан, ийэ үс оҕотун (2021, 2022 уонна 2024 сыллардааҕы төрөөбүт) Советскай Армия 50 сыла уулуссатыгар баар кыбартыыраҕа хааллартаан баран, маҕаһыыҥҥа барбытын кэнниттэн иэдээн таҕыста. Оҕолор тиийэр сирдэригэр зажигалка хаалбыт. Буруйдаах дьалаҕай быһыытын-майгытын түмүгэр, 2021 с. төрүөх улахан оҕо кыбартыыра саалатыгар уоту таһааран, үс оҕо тыына быстыбыт.
Холуобунай дьыала оһуобай бэрээдэгинэн көрүлүннэ. Буруйу аныырга суут сууттанааччы үчүгэй характериститын, сууттаныыта суоҕун, буруйун билиниитин уонна иитиигэ өссө биир кыра оҕолооҕун сымнатар быһыы-майгы быһыытынан учуоттаата.
Суут дьахтары буруйдааҕынан билинэн, 1 сыл 6 ый болдьохтоох көҥүлүн хааччахтыыр накаастабылы анаабыта. Бириигэбэр билиҥҥитэ сокуоннай күүһүгэр киирэ илик.
Санатан эттэххэ, уот Сэбиэскэй Армия 50 сылын уулуссатыгар баар икки этээстээх олорор дьиэҕэ тахсыбыта. Кыбартыыра иккис этээскэ умайда. Дьиэттэн 14 киһи көһөрүллүбүтэ.
This post was published on 12.11.2025 17:33 17:33