Булуҥ оройуонун хамаандата «Муус устар» ыччат бэстибээлигэр кыттаары Дьокуускайга кэллэ. Оройуонтан 30 киһи кэллэ, кинилэр 10 хайысханан кыттыахтара, ону тэҥэ «Арктика улуустарыгар бастыҥ ыччат оройуонун» аатын ылар иһин киирсиэхтэрэ.
«Стартуй к бизнесу» хайысхаҕа «ПроАрктика» диэн улуус хамаандата бэстибээл бырайыактарын хаачыстыбатын сертификациялыыр туһунан, ону тэҥэ «Муус устар» урукку кыттааччылары биир сомоҕо буоларга этии киллэрдэ.
«Моя профессия – ИТ» куонкурус өрөспүүбүлүкэтээҕи финалыгар Тиксии 1 №- дээх оскуолатын оҕолоро уонна «Арктика гимназиятыттан «Arc.VNGame» хамаанданы тэрийбит Кирилл Невмержицкий, Богдар Горохов уонна Василина Винокурова, күрэхтэһиэхтэрэ. «Молодёжь Якутии! Мы ГоТОвы!» ГТО күрэхтэһиитигэр Булуҥ оройуонуттан устудьуоннар кыттыахтара.
Оройуон дьаһалтатын социальнай сайдыыга отделын салайааччыта Вадим Бобровскай этэринэн, улуустан 80 киһи сүүмэрдиир түһүмэххэ көхтөөхтүк кытынна, онтон 30 бастыҥнары таллылар.
This post was published on 16.03.2023 18:05 18:05