17 От ыйа 17.07
  • 20°
  • $ 88,28
  • 96,26

Дьокуускайга бриллиант сэргэтин таһыгар сынньалаҥ площадката аһылынна

17:23, 20 июня 2016
Текст:
Читайте нас на
Яндекс Новости
ЯДВ

Чочур Мураан тэллэҕэр бриллиант сэргэтин тутуу «Норуот бюджета» көҕүлээһинин чэрчитинэн 2014 сыллаахха саҕаламмыта.


Сэргэ 6 м үрдүктээх, араас уотунан дьиримнии оонньуур, тимир конструкциянан толоруллубут. Сэргэ оройугар акриловай таастан бриллиант курдук оҥоһуллубут. Бэлиэ тутуу сахаларга сэргэ уонна бриллиант таас ытык өйдөбүллэри хардарыта дьүөрэлииллэр.

Бырайыак ааптара 82 саастаах, тыыл уонна медицинскэй сулууспа бэтэрээнэ Мария Федорова буолар. Кини өссө 2014 сыллаахха биһиги дойдубут сирин баайын уонна норуоппут көлүөнэлэрин, үгэстэрин кэрэһэлиир, дьүөрэлиир өйдөбүнньүгү оҥоруохпун баҕарарын туһунан этэн турардаах.

«Сэргэ Саха сирин брендэ буолуоҕа уонна ыччаппытыгар нэһилиэстибэ быһыытынан хаалыаҕа диэн бүк эрэллээхпин”, — диир ааптар.

Быйыл Мария Федорова бу сэргэ таһын тупсарар сыаллаах бырайыагы оҥорбута, ону куорат дьаһалтата өйөөбүтэ. Сэргэ таһыгар светодиоднай уотунан оҥоһуллубут хомус уонна чороон арт-эбийиэктэринэн киэргэттилэр.

Тупсарыллыбыт, киэргэтиллибит площадка аһыллыыта бу күннэргэ үөрүүлээхтик ааста. Онно Дьокуускай мээрин сүбэһитэ Наталья Демина уонна Сайсаар уокуругун управлениетын начальнига Олег Неустроев, бырайыак спонсордара сырыттылар.

Бриллиант сэргэ архитектурнай-историческай пааматынньык турар сирэ киэргэтилиннэ. Онон былаһаакка дьон-сэргэ сөбүлээн сынньанар кэрэ сирэ буолуоҕа.

Следите за самым важным и интересным в Telegram-канале и WhatsApp-группе ЯСИА