“Биир ньыгыл Россия” баартыйа барыллаан куоластааһына Дьокуускайга муус устар 15 күнүгэр ыытыллыаҕа. Уопсайа киин куорат 15 быыбардыыр уокуругун уонна 114 быыбардыыр учаастагын хабар 32 ааҕар (счетнай) учаастага тэрилиннэ. Баларга балаҕан ыйын 9 күнүгэр Дьокуускай куораттааҕы Дуума уонна Саха Өрөспүүбүлүкэтин Судаарыстыбаннай Мунньаҕын дьокутааттарын быыбара ыытыллыаҕа.
Барыллаан куоластааһыҥҥа Дьокуускай куораттааҕы Дууматын 15 быыбардыыр уокуругуттан 76 хандьыдаат уонна Судаарыстыбаннай Мунньах (Ил Түмэн) норуодунай дьокутааттарын быыбарыгар “Биир ньыгыл Россияттан” хандьыдаат буолар туһугар быыбардааччылар өйөбүллэригэр наадыйар уонна Дьокуускайга 9 быыбардыыр уокурукка 18 мандаакка дураһыйар 61 хандьыдаат кыттыахтара.
Бары регистрацияламмыт хандьыдааттар дебакка киирсиэхтэрэ.
СИА.
