Бэҕэһээ, муус устар 27 күнүгэр, Өрөспүүбүлүкэ күнүгэр, Ил Дарахан Айсен Николаев улуу судаарыстыбаннай деятель уонна өрөспүүбүлүкэни төрүттээччилэртэн биирдэстэрэ Былатыан Ойуунускай пааматынньыгар сибэкки уурда. Ол туһунан регион салалтатын пресс-сулууспата суруйда.
«Бүгүн биһиги икки улахан суолталаах даатаны бэлиэтиибит. 1922 сыллаахха бу күн Саха автономията тэриллибитэ, онон олохтообут дьоҥҥо махталбытын этэбит. Оттон 1992 сыллаахха, ол кэмтэн 70 сыл буолан баран, саҥа Россияҕа бу күн Саха Өрөспүүбүлүкэтин Конституцията күүһүгэр киирбитэ. Бастакы президеммытын Михаил Николаевы саныыбыт, бу дьаһаллар бастарыгар турбут салайааччыбытын. Маннык суолталаах быһаарыыларга олоҕуран, Саха сирэ улуу Россияны кытта биир суоллааҕын бигэргэттэ», — диэтэ Айсен Николаев.
This post was published on 28.04.2025 10:52 10:52