«Киинэ Өрөспүүбүлүкэтэ» кылгас киинэлэр бэстибээллэрин чэрчитинэн Дьокуускайга АГИКИ баазатыгар бастакы «Кыһыҥҥы киинэ оскуолата» арылынна. Бырайыак «Приоритет-2030. Дальний Восток» федеральнайдааҕы бырагыраама иитинэн ыытыллар.
Үөрэтиигэ лекциялар уонна практика профессионалларга уонна саҥа саҕалааччыларга ыытыллар. Бырагыраама икки түһүмэхтээх: бастакыта художественнай киинэ, иккиһэ, ахсынньы 7 — 11 күннэригэр документальнайга ананан барыаҕа.
Экспертэргэ биллэр Россия киинэ кириитиктэрэ, режиссердар уонна преподавателлэр, маны сэргэ Казахстантан уонна Кыргызстантан исписэлиистэр үлэлиэхтэрэ. Лекцияларга киинэлэри ырытыахтара.
Документалистарга оскуола-интенсив кэнниттэн квалификацияларын үрдэппиттэрин туһунан сертификат туттарыахтара.
