21 От ыйа 21.07
  • 22°
  • $ 88,02
  • 96,04

Дьокуускайга бүгүн киэһэ тайаҕы-туртаһы бултуурга электроннай уочарат саҕаланар

12:03, 27 июля 2018
Текст:
Читайте нас на
Яндекс Новости
ЯДВ

Бүгүн, от ыйын 27 күнүгэр, киэһэ 6 чаастан Дьокуускай куорат олохтоохторугар анаан быйылгы сезоҥҥа бултаныллар кыыллар лимииттэнэр көрүҥнэригэр электроннай уочаракка сурутууну  ыытыы саҕаланарын туһунан “Эдэр саас” сайпытыгар уонна “Саха сирэ” хаһыат от ыйын 25 күнүнээҕи таһаарыытыгар сиһилии сырдатан турабыт.


Онно “өскөтүн дьиэҕэр көмпүүтэриҥ суох, сибээс мөлтөх буоллаҕына эбэтэр сатаабат буоллаххына, Дьокуускай куораты хааччыйар 39 киинтэн биирдэстэригэр тиийэҕин” диэн биллэрбиппит. Хомойуох иһин, кииннэр булчуттарга өҥө оҥорортон аккаастаабыттар. Инньэ гынан, СӨ булчуттарын уонна балыксыттарын уопсастыбаларын сойууһун киин бырабылыанньатын бэрэссэдээтэлэ Закира Иванова иһитиннэрэринэн, бырабылыанньа хонтуоратыгар 10-ча көмпүүтэри уларсык туруоран, сааһырбыт булчуттарга уонна көмпүүтэри сатаабат дьоҥҥо уочарат бэрээдэгинэн электроннай сурутуу өҥөтүнэн туһаналларын тэрийэргэ быһаарбыттар. Петр Алексеев аатынан уулусса 11-с №-дээх дьиэтигэр (урукку ураһа хонтуора оннугар тутулла турар дьиэттэн уулусса нөҥүө) булчуттар уонна балыксыттар уосастыбаларын сойууһун киин бырабылыанньатын хонтуоратыгар киирдэххитинэ, волонтер оҕолор ыйан-кэрдэн көмөлөһүөхтэрэ.

Василий НИКИФОРОВ, edersaas.ru

Следите за самым важным и интересным в Telegram-канале и WhatsApp-группе ЯСИА