18 От ыйа 18.07
  • 17°
  • $ 88,09
  • 96,3

Дьокуускайга "Азия оҕолоругар" кыттар бастакы омук сирин бөлөҕө кэллэ

Хаартыска: ЯСИА саайта
Читайте нас на
Яндекс Новости
ЯДВ

Бэс ыйын 21 күнүгэр сарсыарда Дьокуускайга Сирия сүүмэрдэммитт хамаандата кэллэ. Кинилэр «Азия оҕолоро» оонньууларга кытталлар.

Делегация састаабыгар кылаабынай тренер солбуйааччыта, чэпчэки атлетикаҕа тренер, хамаанда бэрэстэбиитэлэ уонна остуол тенниһыгар хамаанда кыттааччыта бааллар.

Оонньууларга барыта Сирийскай Арабскай Өрөспүүбүлүкэттэн 33 спортсмен кыттар, ЯСИА-ҕа кылаабынай тренер солбуйааччыта Альаббуд Башир кэпсээтэ. «Биһиги Саха сиригэр кэлбиппититтэн наһаа үөрэбит. Сылаастык көрсүбүккүтүгэр махтанабыт. Хамаандаҕа 33 спортсмен баар. Остуол тенниһыгар, бокска, тустууга, чэпчэки атлетикаҕа, гимнастикаҕа, дзюдоҕа кыттыахтара. Үчүгэйдик бэлэмниннибит, ситиһиилээхтик кыттыахпыт дии саныыбыт», — диэтэ кини.

Хамаанда сүрүн чааһа бэс ыйын 26 күнүгэр кэлиэҕэ.

Сирия бөлөҕө оонньууларга кыттаары кэлээччилэртэн саамай бастакыларынан буоллулар.

Следите за самым важным и интересным в Telegram-канале и WhatsApp-группе ЯСИА