Дьокуускайга алтынньы 6 — 10 күннэригэр Архитектура нэдиэлэтэ буолла. Манна куорат тутуутун сүрүн боппуруостара көрүлүннэ.
VOSQ бренд салайааччыта, «Өлүөнэ очуостара» Саха сирин уонна Россия брендтарын Универмагын креативнай дириэктэрэ Ирина Вахольдер эппитинэн, локальнай брендтар куорат архитектуратын кытта ыкса сибээстээхтэр. Эдэр архитектордар муода локальнай брендтарын кытта билсиилэрэ саҥа бырайыактары оҥорууга кыаҕы биэрэр.
«Архитектура — эбийиэги эрэ бырайыактааһын буолбатах, эйгэни, дьон быһыытын-таһаатын, матырыйаал микроструктуратын уонна виртуальнай тулалыыр эйгэни кытта үлэлиир. Тэрээһин чуолаан бу манна ананна. Култуура кодтара, дизайнердар кэллиэксийэлэригэр бэриллэр, холобур ювелирнай оҥоһуктарга, таҥас дизайна, аксессуар, атын да оҥоһуктар, килиимэт уратыта, саха норуотун историята ыччат өйүгэр-санаатыгар тириэрдиллэр. Онон сотору кэмингэн куорат архитектуратыгар култуура кодун көрүөхпүт», — диэтэ Ирина Вахольдер.
This post was published on 13.10.2025 11:29 11:29