22 От ыйа 22.07
  • 30°
  • $ 88,02
  • 96,04

Дьокуускайга ахсынньы 13 күнүттэн оҕолор оскуолаларыгар үөрэниэхтэрэ

Читайте нас на
Яндекс Новости
ЯДВ

Ахсынньы 13 күнүттэн Дьокуускай куорат 1-тан 8-сыс кылааска диэри саастаах оскуола үөрэнээччилэрэ Роспотребнадзор мэктиэтин тутуһан сирэй үөрэххэ көһүөхтэрэ. Эрдэ ОРВИ-нан ыаодьааһын көрдөрүүтэ үрдүгэ бэрт буолан оҕолор дистанционнайдык үөрэммиттэрэ. Ону тэҥэ оҕону туһунан дьарыктыыр куруһуоктар, секциялар, эбии үөрэхтэр уонна былааннаммыт спортивнай күрэхтэһиилэр эмиэ көҥүллэннилэр. Итинник быһаарыыны бүгүн, ахсынньы 10 күнүгэр, Дьокуускай куорат дьаһалтатын үөрэххэ салалтатын мунньаҕар санитарнай-эпидемическай хамыыһыйа ылынны, ол туһунан куорат дьаһалтатын пресс-сулууспата иһитиннэрдэ.

Үөрэх уонна иитии процеһын тэрийиигэ коронавируснай инфекция тарҕаппат туһугар санитарнай быраабылалары уонна нормативтары тутуһуохтаахтар. Оскуола, оҕо саадтарыгар уонна атын үөрэх тэрилтэлэригэр салгыны кварцынан ыраастыахтаахтар, генеральнай уонна сииктээх ыраастааһыны бириэмэтигэр оҥоруохтаахтар.

Санатан эттэххэ, Дьокуускай куорат оскуолаларын 1-тан 8-сыс кылааска диэри үөрэнээччилэрэ дистанционнай үөрэххэ сэтинньи 30 күнүттэн көспүттэрэ. Маны тэҥэ республика уонна куорат суолталаах бары спортивнай уонна культурнай-маассабай тэрээһиннэр тохтотуллубуттара.

Следите за самым важным и интересным в Telegram-канале и WhatsApp-группе ЯСИА