27 Тохсунньу 27.01
  • -48°
  • $ 69,13
  • 75,33

Дьокуускайга 580 байыаннай дьонугар көмөлөстүлэр

Читайте нас на
Яндекс Новости
ЯДВ

Дьокуускайга 580 байыаннай сулууспалаахтар дьиэ кэргэттэрэ 30-туу тыһыынча көмө харчы ыллылар. Материальнай көмөнү куорат баһылыга Евгений Григорьев оңордо. Бу туһунан уокурук дьаһалтатын пресс-сулууспата иһитиннэрдэ.

Ону тэҥэ, Дьокуускайга анал байыаннай операция кыттыылаахтарын дьонугар көмөлөһөллөр: тиэргэҥҥэ хаар ыраастыыллар, оттук маһы бэлэмнииллэр, чааһынай дьиэлэртэн бөҕү таһаллар, аһы-үөлү уонна эми-тому тиэрдэллэр. Ону таһынан саллааттар дьиэ кэргэттэригэр 60 туонна оҕуруот аһын түҥэттилэр.

Анал байыаннай операцияҕа тардыллыбыт байыаннайдар дьиэ кэргэттэригэр  көмөлөһөр киин Дьокуускай уонна куорат таһынааҕы дьаһалталара кытта ыкса сибээстэһэн үөрэх, доруобуйа харыстабылын, социальнай страховкалааһын, биэнсийэ сокуонун, социальнай көмүскэл эйгэлэригэр күннэтэ консультационнай көмө оҥоһулунна. Алтынньы ыйтан кииҥҥэ көмөҕө наадыйалааччылартан барыта 3 138 сайаапка киирдэ.

«Куорат салалтата байыаннайдар дьиэ кэргэттэрин кытта сибээһи тутуоҕа, ким да болҕомтото суох хаалыа суоҕа», — диэн киин үлэһиттэрэ бэлиэтииллэр.

Следите за самым важным и интересным в Telegram-канале и WhatsApp-группе ЯСИА
0
0