2024 сыл бастакы аҥарыгар «Якутскэнерго» үлэһиттэрэ Дьокуускайга 130 сокуоннайа суох уоту туттуу баарын буллулар, уопсайа 3,2 мөл киловатт-чаас. Ол туһунан электричество уотунан хааччыйар тэрилтэ пресс-сулууспата иһитиннэрдэ.
Уоруллубут электроэнергия сыл устата 50 дьыссааты эбэтэр 800 чааһынай дьиэни хааччыйар кыахтаах, бэлиэтээтилэр «Якутскэнерго»-ҕа.
Кэһиилэри рейдэ кэмигэр буллулар. От ыйын 25 күнүгэр Дьокуускайга уонна тулатынааҕы нэһилиэнньэлээх пууннарга уочараттаах кэтээн көрөр дьаһал чааһынай секторга ыытылынна. «Якутскэнерго» информациятынан, чуолаан манна уоруу элбэх.
Электричество уотун көҥүлэ суох тутталларын туһунан биллэххинэ 8-800-100-22-05 нүөмэргэ эрийэн эт.
This post was published on 26.07.2024 12:03 12:03