Дьокуускай уонна Жатай икки ардыларыгар сылдьар 211 № -дээх оптуобус урукку маршрутугар төннөн, эмиэ Сэбиэскэй Армия 50 сылын уулуссатын нөҥүө ааһар. Бу туһунан алтынньы 24 күнүгэр Саха сирин тырааныспар уонна суол хаһаайыстыбатын министиэристибэтигэр иһитиннэрдилэр.
«Дьокуускай – Жатай – Дьокуускай хайысхатынан 211 № — дээх нүөмэрдээх оптуобус урукку маршрута сөргүтүллүбүтүн туһунан Саха сирин тырааныспарга министиэристибэтэ иһитиннэрэр. Дьокуускай куорат Сэбиэскэй Армия 50 сылын уулуссатыгар урут бигэргэтиллибит схемаҕа сөп түбэһиннэрэн хамсааһыны чөлүгэр түһэрии туһунан этиллэр», — диэн биэдэмистибэ иһитиннэриитигэр этиллэр.
Быйыл сайын 211 № — дээх маршрут, Сэбиэскэй Армия 50 сылын уулуссатыгар хапытаалынай өрөмүөн ыытыллыбытынан, быстах кэмҥэ уларыйа сылдьыбыта. Билигин бу хайысханан тырааныспар сырыыта 2025 сыллааҕы үлэ түмүктэммитинэн аһылынна, диэн чуолкайдаатылар.
