Быйыл Саха сиригэр 62 олбуору уонна мини-паарканы тупсаран оҥороллор. Дьокуускайга 21 территорияны элбэх кыбартыыралаах дьиэлэргэ оҥоһуллар. Салалта олбуордары көрдө уонна олохтоохтору кытта кэпсэттэ.
Тупсаран оҥоруу былааныгар олохтоохтор санаалара учуоттанна. Массыына тохтуур сирдэрин, тротуардары, оҕо, спортивнай былаһааккаларын, сынньанар сирдэри бэрээдэктииргэ былааннанна. Билигин тутуу бөҕө таһаарыллар, аспаал бүрүөһүн , тротуардар, күрүөлэр, эргэ тэриллэр өрөмүөннэнэллэр.
Санаттахха, быйыл бу сыалга Ил Дархан «Мин олбуорум» бырагырааматынан 150 мөл солк көрүлүннэ. Өссө 150 мөл солк «Уһук Илиҥҥэ 1000 олбуор» федеральнайдааҕы бырайыагынан тыырылынна. Үс сыллаах былаанынан киин куоракка эбии 150 мөл солк.
This post was published on 04.07.2023 10:32 10:32