Дьокуускайга 2023 сылга олохтоох көҕүлээһиннэри өйүүр бырагырааманан иитээччигэ уонна худуоһунньукка анаммыт сквердар тутуллуохтара. Ол туһунан киин куорат пресс-сулууспата иһитиннэрэр.
Губинскай уокурукка отчуот кэмигэр Дьокуускай баһылыга Евгений Григорьев былааннары кэпсээтэ. 2023 сылга бу уокурукка Богдан Чижик уонна Хабаров суолларыгар капитальнай өрөмүөн оҥоһуллар.
«Светлая столица» муниципальнай бырагырааманан уулуссаны сырдатыы Ларионов уулуссатын № 14 дьиэтиттэн МКД № 20 уонна Хабаров уулуссатын 215 уонна 217 социальнай тэрилтэлэр икки ардыларыгар ыытыллыаҕа.
Маны сэргэ № 29-дээх «Золотая рыбка» дьыссаат өрөмүөннэнэр. Губина 52 олбуор территорията тупсарыллар, Дзержинского, 12/3 спортивнай былаһаакка тутуллар.
Санаттахха, Дьокуускай куорат дьаһалтатын отчуота тохсунньу 16 — олунньу 8 күннэригэр ыытыллар.
Хаартыска: Виктория Сергеева
