Дьокуускайга арыгыны сокуоннайа суох атыылааһын сэттэ чахчыта көһүннэ. Полиция үлэһиттэрэ 216 литртан тахса испиирдээх бородууксуйаны былдьаатылар. Бу туһунан өрөспүүбүлүкэ ИДЬМ иһитиннэрэр.
Чуолаан, Богдан Чижик аатынан уулуссаҕа уонна көтөр фабрикатын микрооройуонугар ас-үөл маҕаһыыннарыгар 20:00 чаас кэнниттэн арыгыны атыылааһын түбэлтэтэ бэлиэтэннэ. Итини сэргэ Тимирязев уонна Сэбиэскэй Армия 50 сылын уулуссаларыгар эргиэн туочукаларыгар арыгы бородууксуйатын атыылааһын быраабылатын кэһии таҕыста.
Саастарын ситэ илик оҕолор дьыалаларыгар иниспиэктэрдэр Богдан Чижик уонна Можайскай уулуссаларыгар маҕаһыын атыылааччылара саастарын ситэ илик оҕолорго арыгы атыылыыр чахчыларын туттулар.
Ону таһынан Октябрьскай уулуссаҕа массыынатыттан арыгыны сокуоннайа суох атыылыыр эр киһи тутулунна.
Сокуоннайа суох атыыланар испиирдээх бородууксуйа барыта былдьанна. Кэһээччилэргэ сыһыаннаах административнай боротокуоллар оҥоһулуннулар.
This post was published on 19.11.2025 17:22 17:22