Дьокуускайга «Күн Куо-2018» Кэрэ куолар куонкурустара буолла

Муус устар 20 күнүгэр Дьокуускайдааҕы култуура уонна искусство коллеһыгар култуура үөрэҕин кыһаларын устудьуоннарын ортолоругар “Күн Куо – 2018” кэрэ куолар куонкурустара буолан ааста. Күрэхтэһиигэ барыта сэттэ кыыс кыттыыны ылла. Куонкурус Арассыыйаҕа Үтүө дьулуур сылыгар ананна.

Күөн күрэс барыта биэс түһүмэхтээх: бэйэни уонна талбыт идэҕин билиһиннэрии, ыйытыыга хоруйдааһын, талаан, “Үтүө санаа ыллыга” видеоролик, киэһээҥҥи былааччыйалаах хаамыы.

Күрэхтэһии түмүгүнэн дьүүллүүр сүбэ маннык быһаарыыны ылынна:

1. Родионова Анастасия – “Мисс добрая воля”, В.А.Босиков аатынан Муусука үрдүкү оскуолата.
2. Семыкина Анастасия – “Мисс очарование”, М.Н.Жирков аатынан Дьокуускайдааҕы муусука колледжа.
3. Тумусова Саина – “Мисс талант”, М.Н.Жирков аатынан Дьокуускайдааҕы муусука колледжа.
4. Егорова Саяна – “Мисс грация”, А. уонна Н. Посельскаялар ааттарынан Дьокуускайдааҕы хореографическай колледж.
5. Винокурова Нарияна – “Мисс стиль”, Дьокуускайдааҕы култуура уонна искусство колледжа.
6. Протопопова Анастасия – “Мисс интеллект”, М.Н.Жирков аатынан Дьокуускайдааҕы муусука колледжа.
7. Бурцева Вилена – “КүнКуо – 2018”, “Приз зрительских симпатий”, Дьокуускайдааҕы култуура уонна искусство коллеһа.

Афанасий НОЕВ, «Саха сирэ» хаһыат, edersaas.ru