Дьокуускай куорат 49-с кыбаарталыгар Строителей уулуссаҕа элбэх кыбартыыралаах олорор дьиэ тутуута түмүктэннэ. Эбийиэк Саха сирин Госстройжилнадзорун управлениетын бэрэбиэркэтин ааста уонна бырайыактыыр докумуон ирдэбилигэр сөп түбэһэрин туһунан түмүгү ылла.
Уопсай иэнэ 9440,2 кв м, 16 этээстээх, араас былааннаах 130 кыбартыыра баар: 63 биир хостоох, 37 икки хостоох уонна 30 үс хостоох. Тутууга энергия көдьүүһүн, куттал суох буолуутун уонна олорор дьиэ тупсуутун аныгы стандартара туттуллубуттар.
Аттыгар аныгы оонньуур комплекстардаах оҕо былаһаакката тэрилиннэ. Тупсарыыга уонна көҕөрдүүгэ үлэ ыытылынна.
This post was published on 19.09.2025 16:22 16:22