Дьокуускайга алтынньы 28 күнүттэн 14 №-дээх оптуобус урукку маршрутугар төнүннэ. Санаттахха, уопсастыбаннай тырааныспар бу саастан быстах болдьоххо атын сиринэн сылдьыбыта. Ол туһунан куорат дьаһалтатын суолга департамена иһитиннэрдэ.
«2025 сыл алтынньы 28 күнүттэн 14 №-дээх маршрутнай оптуобус урукку бигэргэтиллибит схеманан айанныыр буолуоҕа», — суруллар иһитиннэриигэ.
Онон, бүгүҥҥүттэн 14 №-дээх оптуобус Хабаров уулуссатын таарыйан ааһыаҕа.
This post was published on 28.10.2025 17:05 17:05