Административнай дьыаланы Дьокуускайга 1 №-дээх перинатальнай киин-НЦМ дириэктэригэр тэрилтэ приемнуур саалатыгар ыксаллаах быһыыга-майгыга төрөөбүт оҕо эчэйиитинэн тэрийбиттэрэ. Бу туһунан Саха сирин борокуратууратын пресс-сулууспатыгар иһитиннэрдилэр.
«Борокуратуура национальнай медицина киинин генеральнай директорыгар дьыала киллэрдэ, ону тэҥэ перинатальнай киин дириэктэригэр сыһыаннаан КоАП 19.20 ыст.3 чааһыгар административнай сокуону кэһии туһунан дьыаланы тэрийдэ (“осуществление деятельности, не связанной с извлечением прибыли, с грубым нарушением требований и условий, предусмотренных лицензией”). Борокуруор аакталара көрүллүүгэ уонна хонтуруолга сылдьаллар», — дииллэр биэдэмистибэ иһитиннэриитигэр.
Бэрэбиэркэ медицинскэй тэрилтэҕэ ыксаллаах быһыы-майгы түбэлтэтигэр быраастарга чуолкай инструкция суох диэн көрдөрдө. Приемнуур саала үлэһиттэрэ ыксаллаах быһыыга-майгыга дьахтар төрүүрүгэр суһал көмөнү оҥорорго бэлэм буолбатахтар, ыарыһахтар эчэйбэттэригэр ылыллар миэрэлэр куһаҕаннык тэриллибиттэр.
Санатар буоллахха, тохсунньу 28 күнүгэр перинатальнай киин приемнуур саалатыгар 39 аҥар нэдиэлэ болдьоххо сылдьар хат дьахтар бэйэтэ кэлбитэ. Регистратураҕа төрөөн барбыта, саҥа төрөөбүт оҕо муостаҕа түспүтэ, эчэйбитэ.
This post was published on 17.03.2026 16:03 16:03