Кэнники сууккаҕа Дьокуускай территориятыттан 150 кубометр хаар таһаарылынна, диэн куорат дьаһалтата иһитиннэрэр. Хомуллубут хаары Советскай Армия 50 сылыгар аналлаах полигоҥҥа таһаллар.
Хаар түһэн бу нэдиэлэттэн ыла куорат сулууспалара уулуссалары уонна болуоссаттары харайыыга кыһыҥҥы режимҥэ киирдилэр. Билигин 42 тиэхиникэ уонна 82 суол оробуочайдара үлэҕэ тардылыннылар.
Тротуардары хаартан ыраастааһыҥҥа Дьокуускай куорат муниципальнай дьиэ таһын ыраастыыр үлэһиттэрэ бары тардылыннылар.
This post was published on 12.10.2022 14:03 14:03