Өрөспүүбүлүкэ 17 улууһа уонна Дьокуускай куорат саҥа оптуобустары ылаллар. Пассажирдарга анаммыт тырааныспар Россия президенэ Владимир Путин сорудаҕынан көрүллэр.
Оптуобустар күлүүстэрин кулун тутар 12 күнүгэр, муниципалитеттар бэрэстэбиитэллэригэр Ил Дархан Айсен Николаев туттарда. «Президент Владимир Путин улахан бырайыагынан регионнарга анал казначейскай кредиттар чэпчэки ставкалаах көрүллүбүттэрэ. Саха сирэ 400 мөл солк муниципалитеттарга оптуобус ылыытыгар анаата. Бу хайысхаҕа кыһалҕалар баалларын билэбит. 53 араас модификациялаах оптуобус, биһиги ирдэбиллэрбитинэн оҥоһуллан, билигин Саха сиригэр кэллилэр», — диэтэ Айсен Николаев
Оптуобустар бэрилиннилэр: Дьокуускайга, Амма, Үөһээ Халыма, Горнай, Нерюнгри, Өлүөхүмэ, Сунтаар, Кэбээйи улуустарыгар. Сотору кэминэн өссө 24 саҥа тырааныспары Алдан, Үөһээ Бүлүү, Бүлүү, Мэҥэ Хаҥалас, Мииринэй, Хаҥалас, Орто Халыма, Ленскэй, Аллараа Халыма, Нам оройуоттара ылыахтара.
Региоҥҥа барыта 36 ПАЗ «Вектор», 11 КАВЗ, 6 Gazelle CITY кэллэ.
