Дьокуускай суолларыгар аспаалы ууруу сүрүн үлэлэрэ түмүктэннилэр. «Главстрой» тэрилтэ иһитиннэрбитинэн, 27 эбийиэккэ уопсайа 29,3 км аспаал тэлгэннэ.
Билигин тротуардары, парковкалары уонна оптуобус павильоннарын, бордюрдары, күрүө-хаһаа туталлар. Маны сэргэ тас сырдатыыны ыыталлар. Суол бэлиэлэрин туруораллар, хайысхалары суруйаллар.
Федор Попов, Авиатордар уулуссаларыгар, Энергетиктар переулоктарыгар суол тутуута бүттэ уонна үлэтин саҕалаата. Маны сэргэ кардиологическай диспансерга киирии суол Мерзлотная уулуссаҕа бэлэм буолла.
Өрөмүөн ыытыллыбыт 24 эбийиэги докумуонунан тутуу сэтинньигэ ыытыллыаҕа.
Үлэлэр «Безопасные и качественные дороги» нацбырайыак чэрчитинэн бардылар. 2024 сылга диэри куорат суолларын 85 % нуормаҕа эппиэттиир буолуохтаах, суруйар мэрия.
