Дьокуускай сангаардара Хомсомуол мэтээлин иилиннилэр

60-70 сс. Кэбээйи чаҕылхай лидер уолаттарын, барыга-бары көхтөөх, эрчимнээх ыччаты – Савва Иванович Кобяковы, Дмитрий Дмит­риевич Николаевы, Дмитрий Ивано­вич Николаевы, Иван Яков­левич Сме­танины саастыылаахтара умнубаттар. Оттон Сиэгэҥҥэ кыралыын улаханныын Хомсомуол күнүгэр факеллаах хаампыттар.

Дьоллоох Дьокуускай куоракка олорор Сиэгэнтэн силис тарпыттар мээнэ олорон хаалбатылар. Үлэһит буолбут уолаттар  Хомсомуол үбүлүөйүн көрсө “Махтал” кафеҕа 11 урукку хомсомуолу мунньан үөрүүнү тэрийдилэр. Теплоуховтар дьиэ кэр­гэттэрэ, дьаһал­та баһылыга Мак­сим Алек­сеев (уоп­пускатын кэмэ) үбү­лүө­йдээх мэтээл туттардылар. Нэһилиэкпит урукку салайааччыта П.Н. Захаров истиҥник эҕэрдэлээтэ, уруккуну са­натта, сэргэх кэпсэтии таҕыста, өрө күү­рүүлээх комсомольскай ырыа ылланна.

«Мин, кырдьаҕас учуу­тал, Сиэгэҥҥэ үөрэппит оҕолор­бор, чуо­лаан уолаттарбар бука барыгытыгар мах­талбын тириэрдэбин. Быраҕыллан турбут Сиэгэн­нээҕи дьиэбин олус үчү­гэйдик чөлүгэр түһэрбиккитигэр, өссө ОДьХ-ны салайар К.С. Решетниковка, кини тылбын ылынан итиини киллэрдэ. Бу буо­лар кырдьаҕас учуутал үөрүүтэ. Олох төһө да моһоллордоох буоллар, син биир сыр­дыкка тардыһабын, ыччатым, үөрэппит оҕолорум өйөбүллэринэн. Өссө төгүл барыгытыгар махтал», — диэн суруйда Г.Н. Дьяконова, СӨ үөрэҕириитин туйгуна,СӨ бочуоттаах  бэтэрээнэ.

Ааптар: «Дабаан» хаһыат.