Дьокуускайга олунньу 4 күнүн көрдөрүүтүнэн, ОРВИ ыарыытыттан сылтаан, харантыыҥҥа 29 кылаас сабылынна. Бу туһунан куорат үөрэххэ управлениетын начальнига Мария Петрова иһитиннэрдэ.
«Үөрэх тэрилтэлэригэр уопсай харантыын суох уонна сотору кэминэн былааннаммат», — диэн чуолкайдаата кини.
Кини этэринэн, Дьокуускай бары оҕо саадтарыгар уонна оскуолаларыгар Роспотребнадзор ирдэбилигэр сөп түбэһиннэрэн санитарнай ыраастааһын үлэлиир.
Төрөппүттэри оҕо доруобуйатыгар болҕомтолоохтук сыһыаннаһарга уонна ыарыы бэлиэлэригэр дьиэлэригэр хаалларарга этэллэр. Холбоһуктаах профилактическай дьаһаллар улахан харантыын хааччахтааһыннарын киллэрэртэн уонна дистанционнай киэпкэ көһүүттэн куотуохтара диэн тоһоҕолоон этиллэр.
