Ленин болуоссатын сорҕотун “Өрөспүүбүлүкэ болуоссата” диэн аатынан уларытыы туһунан быһаарыы пуунун дьиҥэ суоҕунан билиммит Дьокуускай куорат суутун быһаарыытын Дьокуускай куорат дуумата комментарийдаата.
Куорат дуумата иһитиннэрбиттэринэн, олунньу 13 күнүгэр Дьокуускай куорат суутугар «О присвоении наименований элементам улично-дорожной сети на территории городского округа “город Якутск”» 2025 сыл олунньу 26 күнүнээҕи быһаарыы сорҕотун көтүрүү туһунан административнай дьыалаҕа аһаҕас суут мунньаҕа буолла. Суут көрүүтүн түмүгүнэн, болуоссат илин өттүн аатын уларытыыга сыһыаннаах докумуон 2 пуунун дьиҥэ суоҕунан билиннэ.
Куорат дууматыгар бэлиэтээбиттэринэн, суут быһаарыыта сокуоннай күүһүгэр киирэ илик уонна быһаарыы бүтэһиктээх көрүҥүнэн оҥоһуллубутун кэннэ ый устата Саха сирин Үрдүкү суутугар апелляция бэрээдэгинэн киирсиэххэ сөп диэн тоһоҕолоон бэлиэтээтилэр.
Итини сэргэ суут уурааҕын толору тиэкиһэ, олунньу 14 күнүнээҕи туругунан, куорат дууматыгар өссө да киирэ илик диэн бэлиэтэнэр. Ону ылбытын кэннэ апелляциялыыр сурук түһэрэр туһунан быһаарыыны киллэрэн туран, салгыы ханнык дьайыы ыытылларын туһунан быһаарыы ылыллыаҕа.
