Дьокуускайга муниципальнай оройуоннар ортолоругар дуобакка өрөспүүбүлүкэ хамаанданан чемпионата түмүктэннэ. Турнир кулун тутар 14 уонна 15 күннэригэр регион күүстээх спортсменнарын түмэн ыытылынна, диэн иһитиннэрдэ физкультура уонна маассабай спорт управлениетын (УФКиМС) пресс-сулууспата.
Күрэхтэһии кыттыылаахтарынан 12 хамаанда буолла. Дуобатчыттар уопсай ахсааннара 60 киһи. Турнир биэс дуоскаҕа ыытылынна.
Хамаанданан киирсиигэ Дьокуускай хамаандата кыайыыны ситистэ. Үрүҥ көмүс призерынан Хаҥалас улууһун хамаандата буолла. Горнай улууһун сүүмэрдэммит хамаандата үс миэстэни ылла.
Дуоскаларынан түмүктэр
Бастакы дуоска: Николай Стручков (Дьокуускай); Гаврил Колесов (Хаҥалас улууһа); Василий Прокопьев (Нам улууһа).
Иккис дуоска: Иван Павлов (Дьокуускай); Иван Токусаров (Мэҥэ Хаҥалас улууһа); Александр Якушев (Хаҥалас улууһа).
Үһүс дуоска: Тунаара Федорова (Горнай улууһа); Айыына Протопопова (Хаҥалас улууһа); Нарыйаана Сергеева (Дьокуускай).
Төрдүс дуоска: Айсен Егоров (Хаҥалас улууһа); Герман Стручков (Дьокуускай); Прокопий Говоров (Мэҥэ Хаҥалас улууһа).
Бэһис дуоска: Матрена Ноговицына (Чурапчы улууһа); Сандара Апросимова (Дьокуускай); Наташа Шестакова (Таатта улууһа).
