17 Тохсунньу 17.01
  • -48°
  • $ 73,82
  • 83,32

Дьокуускай хаһаайыстыбаларын ууга былдьаммыт сирдэриттэн оту тиэйиигэ ороскуоту уйунуохтара

15:56, 01 августа 2016
Текст:

Күүстээх ардахтар Дьокуускай уонна куорат таһынааҕы бөһүөлэктэр хаһаайыстыбаларыгар хоромньуну таһаардылар. Өлүөнэ өрүс уута эбиллибитин түмүгэр Хатас уонна Тулагы оттуур сирдэрэ ууга былдьаннылар. Ыксалаах быһыыга-майгыга хамыыһыйа бааһынай хаһаайыстыбалар ити сирдэртэн оту тиэйэллэригэр уонна тиэхиньикэни таһааралларыгар тахсар ороскуоту толуйуохтарын туһунан быһаарыыны ылла.


Тыа хаһаайыстыбатын управлениетын салайааччытын солбуйааччы Пелагея Кардашевская иһитиннэрбитинэн, Хатаска Мастыыр, Бас ойос, Хороҕор арыылар ууга барбыттар, оттон Тулагы-Киллэмҥэ Хара Сирэй, Русскай уонна Кытыл арыылар. Хатаска 48 тонна от уонна 52 гектар охсуллубут сир, Тулагыга – 50 тонна от уонна 45 гектар сир ууга былдьанна. Хатас арыыларыттан суһаллык 168 тонна (600 рулон), Тулагыттан 130 тонна от уонна түөрт тыраахтар таһаарыллыахтаахтар.

Ыксаллаах быһыыны-майгыны туоратар хамыыһыйа резервэ фондатыттан үбү-харчыны ылан, тыа хаһаайыстыбатын уонна бааһынай хаһаайыстыбалар оту, тиэхиньикэни тиэйэллэригэр тахсар ороскуоту толуйуохтара.

0
0
17 января 17.01
  • -48°
  • $ 73,82
  • 83,32