Дьокуускайга саамай сырыылаах 50 лет Советской Армии уулуссаҕа хапытаалынай өрөмүөн ыытар туһунан бырайыактыыр докумуон судаарыстыбаннай экспертизаны ааста. Бу күннэргэ бэдэрээттиир тэрилтэни булууга куонкурус биллэриллиэҕэ. Ол туһунан муус устар 14 күнүгэр куорат мунньаҕар этилиннэ.
Улахан үлэ барарын учуоттаан, өрөмүөннүүр үлэ 2027 сылга диэри ыытыллара былааннанар. Суолу түөрт балаһаҕа кэҥэтиэхтэрэ, Кальвицатан Бабушкиҥҥа диэри учаастагы. Онно анаан суол аннынан ааһар уу, гаас, канализация ситимнэрин хостуохтара, уларытыахтара.
Өрөмүөн икки түһүмэҕинэн ыытыллар. Бастакытыгар Кальвицаттан Бабушкиҥҥа диэри, салгыы, Бабушкинтан Намныыр тракка диэри.
Куоракка «Инфраструктура для жизни» нацбырайыагынан барыта 15 км уулусса өрөмүөннэниэҕэ.
This post was published on 14.04.2025 11:01 11:01