Дьокуускай — Аллараа Бэстээх паром сырыыта алтынньы бүтүөр диэри үлэтин салҕыаҕа. Саха Сирин тырааныспарын министиэристибэтэ иһитиннэрбитинэн, паромнар билигин бигэргэтиллибит сайыҥҥы кыраапыгынан толору кээмэйинэн үлэлииллэр.
«Линияҕа 13 паром үлэлиир, сырыы интервала бигэргэтиллибит расписаниеҕа сөп түбэһэр. Росморречфлот быһаарыытынан навигационнай кэм алтынньы ортотугар тиийэ барыа, ол эрээри сабыллыы болдьоҕо Өлүөнэ өрүс гидрологическай быһыытыттан тутулуктаах. «Саха Сирин Паромнара» ХЭО быыһык кэмҥэ үлэлиир саҥа тарыыптары олохтоото. Навигационнай кэм бүтүөр диэри регионнааҕы Госкомцен быһаарыытынан олохтоммут сайыҥҥы тарыып туттуллар», — диэн регион Транспорт Министерствотын иһитиннэрэр.
Муус турар кэмигэр таһаҕаһы тиэйиини тэрийиинэн Ленскэй холбоһуктаах өрүс пароходствота дьарыктаныа. Тиэйиини «Жатай – Төхтүр» маршрутунан муус кылаастаах анал суднолары тардыһан ыытыахтара. Ледокол үлэтин учуоттаан тарыып быһаарыллыаҕа.
«Ис уу суолларыгар навигация тохтообутун кэннэ, паром таһыытын тарыыптарын судаарыстыба сүрүннээбэт», — диэн министиэристибэҕэ бэлиэтээтилэр,
This post was published on 14.10.2025 15:21 15:21