Барыллаан былаанынан, Дьокуускай — Аллараа Бэстээх хайысханан паром сырыыта ыам ыйын 25 күнүттэн саҕаланыаҕа. Балаһыанньа халаан уута хайдах ааһарыттан уларыйыан сөп. СИА-ҕа регион сүрүн пресс-сулууспата иһитиннэрдэ.
«Өлүөнэ эбэҕэ сүрүн паром суолунан Дьокуускай — Аллараа Бэстээх буолар. Бу учаастакка бырагыраама быһыытынан, уу суола арыллыыта ыам ыйын 25 күнэ турар. Халаан уута хайдах ааһарыттан быһаччы тутулуктаах. Алдан өрүскэ — ыам ыйын 23 күнэ, Бүлүү эбэҕэ — ыам ыйын 26 күнэ», — диэтэ суол хаһаайыстыбатын министиэристибэтин уу тырааныспарын департаменын салайааччыта Семен Коркин.
Кини эппитинэн, өрөспүүбүлүкэҕэ 16 паром туоруур сирэ баар — ити 40 уу суолун тырааныспара, 20-тэн тахса тиэйээччи-таһааччы тэрилтэ.
This post was published on 17.05.2021 10:01 10:01