Өлүөнэ эбэнэн муус халҕаһалыы устар кэмигэр салгын олбохтоох суудуналар уонна аэроботтар Дьокуускай — Аллараа Бэстээх хайысханан сырыылара хааччахтаах. Ол туһунан «ЛенаВодСервис» хампаанньа биригэдьиирэ Борис Строев эттэ.
«Биһиги сотрудниктарбыт уопуттаахтар, ити эрээри рейска тахсааччы ахсаана хааччахтанна — биригээдэ барыта тахсыбат. Муус туругуттан көрөн, сырыы оҥоһуллар», — диэтэ Борис Строев.
Рейс ахсаана чаас аайы уларыйа турар. «Билигин сүүрэ сылдьаллар, чаас аҥарынан тохтуохтарын сөп», — диэтэ кини.
Тиэйии-таһыы үлэтэ сырдык кэмҥэ 07:00 — 20:00 чааска диэри ыытыллар, кытаанах расписание суох — кыраапык халлаан туругуттан, эбэ балаһыанньатыттан тутулуктанар.
Өрүһү туорааһын 30 мүнүүтэ уһуннаах. Билиэт сыаната быстах кэмҥэ 5000 солк.
This post was published on 16.05.2025 13:01 13:01