Дьокуускай - Аллараа Бэстээх хайысханан паромунан айан иһин тарыып уларыйбата

2020 сыл навигациятыгар пассажирдары, тырааныспары, таһаҕаһы тиэйиигэ-таһыыга паром тарыыба уларыйбата. СИА-ҕа сыана кэмитиэтин пресс-сулууспата иһитиннэрэр.

Дьокуускай — Аллараа Бэстээх хайысханан тарыыптар:

— улахан дьон уонна 10-тан үөһэ саастаах оҕолор – 122 солк, 5 — 10 саастаах оҕолор — 62 солк;

— грузовой массыыналар — 405 солк үөһэ (0,5 тн диэри), 1660 солк диэри (30 тн үөһэ);

— легковой массыыналар ыйааһыннарыттан көрөн — 340 — 1275 солк;

— пассажирдары тиэйэр автобус – 1535 — 2730 солк;

— мотороллер уонна мотоцикл араас көрүҥэ – 170 солк;

— контейнер – 320 — 3085 солк;

Биир туонна таһаҕас ортотунан 340 солк.

Бигэргэтиллибит тарыып — муҥутуур кээмэй. Тиэйээччи-таһааччы сыанатын бэйэтэ быһаарар, ити эрээри бу ыйыллыбыт тарыыптан улаатыннарыа суохтаах.

Өскөтүн сыана үрдэтиллибит буоллаҕына, квитанцияҕытын көрдөрөн туран, Сыана кэмитиэтигэр бу электроннай почтаҕа ыытыҥ rek@sakha.gov.ru