Дьокуускай — Аллараа Бэстээх хайысхатынан паромнар алтынньы 20 күнүттэн кыраапыгынан буолбакка, суудуна туолуутунан айанныыллар. Сайыҥҥы тарыып үлэлии турар. Сезон икки ардыларынааҕы тарыыбы балаһыанньаттан көрөн хаһан баҕарар киллэриэхтэрин сөп, диэн «Саха сирин паромнара» УК салайааччыта Николай Ефимов ЯСИА иһитиннэрдэ.
«Штат эрэһииминэн билиҥҥитэ аҕыс паром «Саха сирин паромнара» уонна үс – АЯМ тутааччыларын Ассоциацияларын паромнара үлэлииллэр. Сезон быыһыгар паром ахсаана үскэ тиийэ кыччыаҕа. Бэнидиэнньиккэттэн паромнар суудуна туолуутунан айаҥҥа турунуохтара. Сайыҥҥы тарыыптар үлэлииллэр. Сезон икки ардыларынааҕы тарыыпка көһүү муус туруутун балаһыанньатыттан уонна паром ахсаана аҕыйаатаҕына киириэҕэ. Билиҥҥитэ өрүскэ быһыы-майгы табыгастаах эрээри, балаһыанньа күнтэн күн уларыйыан сөп», — диэн ЯСИА Николай Ефимов кэпсээтэ.
Сайыҥҥы тарыыптар: кыра массыыналарга – 1150 солк., саамай улахан таһаҕас тырааныспарыгар – 13 100 солк.
Кыра массыынҕа уонна кээмэйин көрөн сезон икки ардыларынааҕы тарыып 4000-тан 12 000 солк. диэри буолуоҕа. Фураҕа — 65 000 солк. диэри
This post was published on 20.10.2025 12:33 12:33