Сылаас күн-дьыл туран, Дьокуускайтан Аллараа Бэстээххэ диэри паром сырыытын үлэтэ алтынньы 31 күнүгэр диэри уһаата. Бу туһунан СИА-ҕа өрөспүүбүлүкэ Тырааныспарга министиэристибэтэ биллэрдэ.
«Бүгүҥҥү күҥҥэ 11 паром үлэлиир. Паромнар туоллахтарына айанныыллар», — диэн Саха сирин тырааныспарга уонна суол хаһаайыстыбатыгар миниистирин солбуйааччы Семен Коркин иһитиннэрдэ.
Бүлүү өрүс түөрт биэрэгэр үлэ салҕанан бара турар. Бу хайысхаҕа паромунан сырыы сабыллыытын болдьоҕо — алтынньы 29 күнэ.
Санатан эттэххэ, «Ирбис» оптуорунньуктан Аллараа Бэстээххэ диэри дьону таһан саҕалаабыта. Билигин атын биэрэккэ 1000 солк. тиийиэххэ сөп. Ол гынан баран, температура -10-13 кыраадыска диэри намтатаата эрэ айан сыаната 3000 солк. диэри үрдүөҕэ.
This post was published on 27.10.2022 17:05 17:05