Дьокуускайтан Аллараа Бэстээххэ диэри паром алтынньы бүтүөр диэри сылдьыаҕа. Бу туһунан СИА-ҕа «Саха сирин паромнара» хампаанньа Николай Ефимов иһитиннэрбит. Алтынньы 18 күнүттэн тарыып сыаната үрдүүрэ былааннанар.
«Навигация алтынньы 16 күнүгэр сабыллыахтаах диэн. Ол эрээри сылаас күн-дьыл туран, быйыл алтынньы 18 күнүгэр көстө. Бу даата кэнниттэн тарыып үрдүөҕэ. Паромнар быһа холоон ый бүтүөр диэри устуохтара», — диэн СИА-ҕа Николай Ефимов кэпсээтэ.
Күн-дьыл туругуттан көрөн, өрүскэ паромнар ахсааннарын сыыйа аҕыйатыахтара. Быраактыка көрдөрөрүнэн, алтынньы бүтүүтэ түөрт паром устар эбит. Онтон бу паромнар сэтинньи саҕаланыыта ледокол көмөтүнэн устуохтара.
Саха сирэ
This post was published on 13.10.2023 11:09 11:09