Дьокуускай аэропордугар алтынньы 14 күнүгэр киэһэ хойут авиация саахала таҕыста. Олохтоох бириэмэнэн 23.30 ч. Sky Gates авиахампаанньа ИЛ-96-400Т таһаҕас тиэйэр сөмөлүөтэ түһэн баран хаҥас сүрүн шасситын хас да пневматиката (авиашина) алдьанна, диэн Росавиация пресс-сэкирэтээрэ Артем Кореняко Telegram-каналыгар иһитиннэрдэ.
Салгын суднота Москватааҕы Жуковскай аэропорттан таһаҕаһы таһар. Барыллан дааннайынан, бортка тоҕус киһи баар, ким да эмсэҕэлээбэтэ.
Аэропорт олохтоох бириэмэнэн 7:25 чааска үлэтин сөргүппүтэ. Хас да рейс тохтотуллубута, ону тэҥэ Нерюнгрига саппаас аэродромҥа туһаныллыбыта, диэн пресс-сулууспа иһитиннэрдэ.
Авиа-саахал биричиинэтин силиэстийэлээһининэн уонна билиинэн Росавиация Дьокуускайдааҕы МТУ исписэлиистэрэ дьарыктаналлар.
This post was published on 15.10.2025 10:16 10:16