Дьокуускай аэропордугар Былатыан Ойуунускай аата иҥэриллибитэ. Өрөспүүбүлүкэ биллэр судаарыстыбаннай деятелин уонна суруйааччытын мэтириэтин ыйаатылар аэровокзалга ыйаатылар. Бу туһунан тэрилтэ салайааччыта Сергей Игнатенко Инстаграмҥа суруйар.
«Ребрендинг 2019 сыллаахха алтынньыга саҕаламмыта. Бу кэмҥэ олоҥхоттон ылыллыбыт үс төбөлөөх хотой ойууламмыт логотип, тэрилтэ атрибутиката уонна терминал иннигэр вывеска, аэропорт территориятыгар киириигэ стела-ыйынньык ыйаммыттара», — диир Сергей Игнатенко.
Кини маны сэргэ өссө анал техникаларга уонна тэриллэргэ логотиптар сыһыарыллыахтаахтарын, навигация туруоруллуохтааҕын уонна да атын элбэх оҥоһуллуохтааҕын суруйар.
Санатар эбит буоллахха, 2019 сыл ыам ыйыгар РФ президенин ыйааҕынан «Дьокуускай» аэропортка Былатыан Ойуунускай аата иҥэриллибитэ.
This post was published on 18.02.2020 09:15 09:15